.

လူထုဒေါ်အမာ ရဲ့  မြေးငယ် မီးငယ်က အကိုအမ များသို့ ပန်ကြားခြင်း ဆိုတဲ့ ခေါင်းစဉ်လေး နဲ့ 
သူ့ ဘလော့လေးက တောင်းဆိုထား ပါတယ်..
http://june3pooh.blogspot.com/2008/04/blog-post_09.html
အဲဒီတော့ ကျမရေးတဲ့ ဒီ Post လေးဟာ ‘မီးငယ်’ အတွက်ရော .. ကျမလေးစားတဲ့ ‘လူထု မိသားစု ‘အတွက်
ရော ရည်ရွယ်ပါတယ် …
----------------------------------------------------------------------------------------------------------------
ကျမဘ၀ မှာ ပထမ ဆုံးဖတ်ဘူးတဲ့ စာအမျိုးအစားဟာ ပုံပြင်ပါ … အမေက ပုံပြင်စာအုပ်တွေ ကြုံရင်ကြုံသလို ၀ယ်ပေးပါတယ် ..
ဝတ္တုဖတ် တာလဲ မကြိုက်ပါဘူး .. အမေ ၀ယ်ပေးတဲ့ ပုံပြင်စာအုပ်တွေ ထဲမှာ လူထုဦးလှ
ရဲ့ ’ကျောင်းကန်အနီးမှ မြန်မာ့ပုံပြင်များ’ ဆိုတဲ့ စာအုပ်လေး တအုပ်ပါဝင်ပါတယ် …
မြန်မာ့ရိုးရာ ပုံပြင်စစ်စစ် တွေပါ ..
နောက်တခါ ဦးလေးတယောက်က အိမ်ပြောင်းရွေ့ ရတော့ သူ့ ရဲ့ စာအုပ် သေတ္တာတွေကို ကျမတို့
အိမ်ကို ခဏပို့ ထားပါတယ်.. ကလေးပီပီ စပ်စုတဲ့စိတ်နဲ့ အပေါ်ဆုံးက သေတ္တာကို ဖွင့်မိတော့
ကျမတွေ့ တာ လူထုဦးလှတဲ့ တိုင်းရင်းသားရိုးရာ ပုံပြင်စာအုပ်တွေပါ ..မှတ်မှတ်ရရ
“ ချင်းရိုးရာပုံပြင်များ “ “ကချင်ရိုးရာ ပုံပြင်များ” ၂ အုပ်ကိုတွေ့ လို့ ဖတ်ဖြစ်ပါတယ်..
တခေါက်ပြန်ပြီး သေတ္တာထဲ ပြန်ထည့် ..နောက်တော့ဦးလေးလဲ စာအုပ်သေတ္တာတွေ
လာပြန်ယူသွား ပါတယ်.. နောက်တခါ အဲဒီစာအုပ် သေတ္တာကြီးကို ရော စာအုပ်တွေကိုရော
ကျမ မတွေ့ ထပ် တော့ပါဘူး ..





( အခန့် သင့်လို့ စာအုပ်ဆိုင်ရောက်ရင် လူထုဦးလှရဲ့  တိုင်းရင်းသားရိုးရာ ပုံပြင်စာအုပ်တွေ ကို ပြန်များ ထုတ်ဝေ မလားရယ်လို့ လိုက်ကြည့်ပါတယ်.. ကျမနဲ့ ပဲမတိုက်ဆိုင်လို့ လား မသိပါဘူး ..
မတွေ့ ပါဘူး ..
စီးပွားရေးအရ မအောင်မြင်လို့ ပဲလား အခြားအကြောင်းကြောင့်ပဲလား မသိ … တကယ်တော့ ..
ယနေ့ မြန်မာ ကလေး တွေရဲ့ အိပ်ရာဝင်ပုံပြင် အများစုဟာ
ကမ္ဘာကျော် ဂရင်းညီနောင် ပုံပြင်တွေပဲ ဖြစ်ပါတယ်.
မြန်မာ ပုံပြင် အခန်း ဟာ တဖြည်းဖြည်း နဲ့ ကို မှေးမှိန်လာတယ်လို့ ခံစားရလို့ လူထုဦးလှရဲ့ ပုံပြင်
စာအုပ်ပြန် ပေါ်အလာကို မျှော်နေမိတယ်..
လူထုဦးလှရဲ့ မြန်မာတိုင်းရင်းသား ပုံပြင်တွေဟာ ကျမတို့ အတွက် လက်ဆင့်ကမ်းအပ်တဲ့ မျိုးဆက်
အမွေထဲမှာ ပါပါတယ် လို့ ကျမ ယုံကြည့်မိတာကိုး)
နောက် ကျမ အထက်တန်း ကိုရောက်လာတဲ့အခါ ပန်းချီဝါသနာ ပါတော့ အဖေက ပန်းချီစာအုပ်
၂အုပ် မြို့ ထဲက ၀ယ်လာပေးတယ်..တအုပ်က ‘ဦးခင်မောင် (ဘဏ်)’ အကြောင်း ..
နောက်တအုပ်က တော့ ‘လူထုဒေါ်အမာ’ ရဲ့ ’ မြန်မာ့ရိုးရာ ခေတ်သစ်ပန်းချီ ‘ တဲ့ ..
အဲဒီ ၂အုပ် အနက်မှာ ကျမ စွဲစွဲမြဲမြဲ ဖတ်မိတာ “ လူထု ဒေါ်အမာ” ရဲ့  “ မြန်မာ့ ရိုးရာ ခေတ်သစ်ပန်းချီ “ စာအုပ်ပါ ..
( အဲဒီ စာအုပ်ကို ဖွင့်ဖတ်တဲ့ အချိန်ဟာ ကျမ ဘ၀ရဲ့ စာမျက်နှာ သစ်တခုကို ဖွင့်လိုက်မိတယ်
ဆိုတာ အဲဒီတုန်းက မသိသေးဘူး ..
အဲဒီ အကြောင်း နောက်မှ ဆက်ရေးပြချင်သေးတယ် )
ရုတ်တရက် ကြည့်ရင်တော့ ပန်းချီအကြောင်း စာတမ်းတစောင် လိုလို ..
ဒါပေမယ့် တကယ်တန်းကျတော့ လူထုဒေါ်အမာ က သူ သိတဲ့ပန်းချီ ဆရာတွေအကြောင်း ..
ကိုယ့်ရှေ မှာထိုင်ပြီ့း ပြောပြသလို ပြောပြသွားတာ ..
စကား ပြောဆန်တယ် ပြောရမလား ..
ပုံပြော ဆန်တယ် ပြောရမလား …
အဲဒါ ကျမ စွဲတဲ့ အမေလူထု ရဲ့ အရေးအသား ပါ..

စာအုပ် ထဲပါတဲ့ အကြောင်း အရာ လူတယောက် အကြောင်းကို ဖတ်ပြီးရင် အဲဒီလူနဲ့ ကျမ ရင်းနှီး
ပြီးတော့ကို သွားတယ်..
သူ့ အရေးအသားက ဂရုဏာ အမြဲပါတယ် .. ချစ်တဲ့ စိတ်နဲ့ ဖွဲ့ တယ် ..
ခရီးသွား မှတ်တမ်း ဖြစ်ပစေဦး .. ကျမ အဖို့ မငြီးဘူး … သုတေသန စာတမ်းလို ..
မှတ်တမ်း လိုလို ရေးထားရင် တောင် မှ ပျင်းချင် ပျင်းလာဦးမယ် ..
“ ချင်းတွင်း မှ ပင်လယ် ဆီသို့ ” ဆို တဲ့စာအုပ် ထဲကျတော့
ချင်းတွင်း မြစ်ကို အမေ့ မိတ်ဆွေ တွေနဲ့ အတူ .. မော်တော်နဲ့ ဆုန်ဆင်းတာ .. အညာသူ
အမေက မြိတ်ကို အလည်သွားတာ …
စာအုပ်လည်းပြီးရော ..ချင်းတွင်းမြစ်ကိုရော မြိတ်မြို့ က ပင်လယ်ကိုရော
ကျမ မမြင်ဘူး မရောက်ဘူးပေမယ့် ရင်းနှီးရပါလေရော ..
လူထုဒေါ်အမာ ရေးတဲ့ စာမှာ မာန်မာန မပါဘူး … ချစ်တဲ့ စိတ်နဲ့  ရေးတယ် ..
သူချစ်တာ ကျမတို့ လူထု တရပ်လုံးကို ..
မနှစ်က စက်တင်ဘာ လကိုရောက်တော့ ..လူထု ဘက်က ရပ်တည်တဲ့ စာရေးသူ
စာရင်းမှာ လူထုဒေါ်အမာ နာမယ်က ထိပ်ဆုံးက နေတယ် ..
Blog တွေ အဆက်မပြတ် ပါလာတဲ့ အင်တာဗျုးတွေ .. စာတွေ တွေ့ တော့
ကျမ ကြက်သီးထ ရတယ် ..
ဒါပေမယ့် လူထုဒေါ်အမာကို စာရေးသား ထုတ်ဝေခွင့် ပိတ်ပင်ကြောင်း ကြားရ ပြီးသိပ်
မကြာခင် DVB မှာ လက်တွန်းလှည်း လေး ပေါ်က “ လူပိုတွေ မဖြစ်ပါရစေ နဲ့ ”
လို့ ပြောတဲ့ အမေလူထု ကိုကြည့်ပြီး
ကျမ ရင်ထဲ ဆို့ နင့်မိတယ် ..
စိတ်လဲ ပူမိတယ်.. စိတ်ထောင်းရင် ကိုယ်ကြေသတဲ့ ..
ကျမ ချစ်တဲ့ စာရေး ဆရာတွေ အသက်ရှည်စေ ချင်တယ် ..

သို့ သော်လည်း ကျမ ဆုတောင်း မပြည့်ပြန်ဘူး …
အမေလူထု ဇာပန မှာ လူလေးထောင်ကျော် လိုက်ပို့ တယ်ဆို တော့ အံ့သြ ရတယ်.. ၀မ်းလဲသာ မိတယ်..
‘လူထုဒေါ်အမာ ဟာ သူ့ ရဲ့ နောက်ဆုံးအချိန် နောက်ဆုံးခရီး အထိကိုပဲ လူထုဘက်က အမြဲ ရှိကြောင်း
လူထုနဲ့ အတူ အမြဲရှိကြောင်း
‘ဒေါ်အမာ’ ဆိုတဲ့ မိန်းမသား တယောက်ရဲ့ နာမယ်မှာ ‘လူထ’ု ဆိုတဲ့ စာတလုံး ကပ်လျက်ပါနေတာ
ဘာကြောင့်လဲ ဆိုတာကို အမေက စာတလုံးမှ မရေးပဲ အားလုံးကို ပြောပြခဲ့တာ ..’

ချစ်သူလေး

( လူထုဒေါ်အမာရဲ့ မြန်မာ့ ရိုးရာ ခေတ်သစ်ပန်းချီ စာအုပ် အကြောင်းနဲ့ ပတ်သတ်ပြီး ကျမ ဘ၀ရဲ့ စာမျက်နှာ
အသစ်လို့ ရေးခဲ့တယ်.. အကြောင်းအရာ တွေရှုပ်သွား မှာဆိုးလို့ အဲဒီမှာတော့ ရှင်းမပြခဲ့ဘူး ..
အဲဒီစာအုပ်လေး လက်ဝယ်ရပြီး မကြာခင်မှာပဲ ကျမ ရန်ကုန်ပန်းချီပန်းပုကျောင်းကို ပန်းချီကျောင်းသား
အနေနဲ့ လျောက်တော့ အင်တာဗျုးဖြေရတယ်.. ပန်းချီဗဟုသုတ အနေနဲ့ မေးတော့ .. တဖွဲ့ တနွဲ့ ဖြေ နိုင်
ခဲ့တာ လူထုဒေါ်အမာရဲ့ ကျေးဇူး ..
နောက်တခုက . လူထုမိသားစုလို့ ခေါင်းစဉ်တပ် ထားပြီးတော့ .. ‘ဟင်.. လူထုဦးလှရယ်.. လူထုဒေါ်အမာရယ်ပဲ
ပါသလား ‘ လို့  .. ပြောကြမှာပဲ ..
ဒါပေမယ့် .. ကျမ နဲ့ မန္တလေး ဘယ်လိုများ ရေစက်ဆုံတယ် မသိဘူး ..
ကျမ စွဲတဲ့ ၀တ္တုတို ဆရာ တွေက
မန္တလေးကချည်းပဲ .. ၀တ္တုတို နဲ့ ဝတ္တုရှည် ဘယ်ဟာ က စာရေးဆရာအတွက်
ဝင်ငွေကောင်းသလဲ မသိပေ မယ့်..
စာအုပ်ကောင်းတာ ချင်းတူတယ် ဆို ၀တ္တုတို စာအုပ်ပဲ ကျမ ၀ယ်မိတယ်..
အဲဒီ လိုဝယ်မိတဲ့ ထဲမှာ ဆရာ ညီပုလေးရဲ့ စာအုပ်တွေလဲပါတယ်…
ဝက်ဝံ ကလေး လွင်မိုး အကြောင်းကို စာအုပ် ၂အုပ်ထဲတောင် ပါတော့
အပြင်မှာရော တကယ်ရှိခဲ့တဲ့ အကြောင်းလေလား လို့ ကျမတွေးပြီး စိတ်မကောင်းပြန်ဘူး
ဒါပေမယ့် ကျမ မသိခဲ့ဘူး လူထုဒေါ်အမာရဲ့  သားမှန်း … )