.

ကျမတွင်သူငယ်ချင်းတယောက် ရှိပါသည် .. သူဧ။်နာမည်မှာ …
(သို့ သည်းမဟုတ်)
မ..ဘယ်သူ ..မောင်ဘယ်ဝါမှာ .. ကျမဧ။် သူငယ်ချင်းတယောက်ဖြစ်ပါသည် …..
(ဒါမှမဟုတ်)
ကျမရေးချင်သော အကြောင်းမှာ .. သူငယ်ချင်း .. ဘယ်သူဘယ်ဝါ …….
----------------------------------------
ကျမတွင် သူငယ်ချင်းများစွာရှိပါတယ် ..ငယ်စဉ်အရွယ် က ငါ့မှာသူငယ်ချင်း နည်းလိုက်တာ ဟု ၀မ်းနည်း အားငယ်ခဲ့ဘူးတာ အခုကြတော့ ရီစရာအဖြစ် အနေနှင့် ပြောစမှတ် ဖြစ်ပြန်သည် ..
ရင်ဘတ်နှင့်ပေါင်းသော သူငယ်ချင်း .. ဦးနှောက်နှင့်ပေါင်းသော သူငယ်ချင်း .. ဘယ်လို အမျိုးအစားကို ဘယ်ကဲ့သို့ ခွဲရ မည် မသိသော်လည်း .. သူငယ်ချင်းတွေကို ကျမချစ်သည် ..
သူငယ်ချင်းတွေအကြောင်း ရေးပြရမှာ ..ပြောရမှာလည်း ကျမ ချစ်သည် ..
သို့ သော် … ဘယ်လို presentation လုပ်ရမယ်မသိ ……
ကျမရေးသော စာပုဒ်မှာ .. မူလတန်းကျောင်း အတ်ဆေးလိုဖြစ်ချင်ဖြစ်နေမည် … အဆက်အစပ် ကင်းချင်ကင်းနေမည် .. ပြုံးချင်စရာဖြစ်ချင် ဖြစ်မည် .. နားလည်ချင်မှလည်း လည်ကြမည်..
သို့ သော်.. ကျမ ချစ်သော သူငယ်ချင်းအကြောင်းကို ချစ်ခင်စွာရေးပြခြင်းဖြစ်ကြောင်း ရှေးဦးစွာဝန်ခံပါမည် ..

တီရှပ် အကျီအနွမ်း ..ဖိနပ်အနွမ်း ..လွယ်အိတ်အနွမ်းနှင့် ..
ရှိသမျှပိုက်ဆံ အကြွေများကို ဘောင်းဘီအိပ်ထဲ လိပ်ထည့် တတ်သူမှာ ကျမသူငယ်ချင်းဖြစ်ပါသည် …
စကားမစပ် .. သူ့ ဂျင်းဘောင်းဘီသည် ဟောင်းနွမ်းပြီး
ပန်းချီဆေးများပေကျံနေ မှသာ .. 'သြော် …… သူကိုး' ဟု ..ယုံကြည်နိုင်ပါသည် ..

ကျမသူငယ်ချင်းတွင် ဆိုက်ကားသမား အစ … ခပ်ပျက်ပျက် မိန်းမများအလည် .. နာမယ်ကျော် တေးရေးဆရာ များအဆုံး .. အားလုံးသော နေရာမှ သူငယ်ချင်းများရှိပါသည် … မကောင်းမှုကိုနေ့ စဉ် ကျူးလွန်သူများနှင့် တရားဟော ဆရာများ .. အားလုံးကိုချစ် ခင်ခွင့်လွတ်သော မျက်လုံးဖြင့် တပြေးညီ ကြည့်တတ် ပါသည် ..
အားလုံးကိုသူချစ်တတ်သည် .. အားလုံးကို အကောင်းမြင်သည် .. သူ့ တွင်ရှိသမျှ .. ပိုက်ဆံအစ ကိုယ်ပေါ်က အကျီပင်ဖြစ်စေ ချွတ်ပေးရန်သူ ၀င်မလေး .. သူ့ထံတွင် သူမပေးနိုင်သော အရာဟူပြီး မရှိ
တခါသော် . သူသိသော ကောင်မလေးတယောက် ..အကြောင်း ..စကားစပ် မိကြသည် .. ထိုသူငယ်ချင်းကဆိုသည် ..
“ ကောင်မလေး ဘ၀က အခြေမလှရှာဘူးဟယ် “ .. စကားကိုလှပစွာသုံးသွားလေသည်..
ထိုကောင်မလေးသည် ရှင်းရှင်းပြောသော် ကြေးစားမိန်းကလေးသာ ..
သူ့ အချစ်ရေးသည်ကံမကောင်းပါ ….. သူ့ တွင် ချစ်သူမိန်းကလေးသည် ချောသည် ..လှသည် ..ပညာလည်းပြည့်စုံသည် .. သို့ သော် .. လမ်းထိပ်တခုမှ
မုန့် ဟင်းရောင်းသော မိန်းကလေးအား ..စာနာစွာ
သနားမိသော အခါ .. သူ့ ချစ်သူသည် သူ့ အားပြစ်ခွာသွားလေသည် ..
သူ သည်မုန့် ဟင်းခါးသည် လေးအား ကြင်နာပါသည် ..
တနေ့ သော် ထိုမိန်းကလေးသည် ပန်းချီဆရာနှင့် အင်ဂျင်နီယာ ရွေးချယ်ရန် အခြေ ရောက်လာသော အခါ
ထိုမိန်းကလေးဧ။် မမြင်ကွယ်ရာသို့ ကာလ အတန်ကြာအောင် ရှောင်ပုန်းပေးလေသည် ..
‘ သူက ချို့ တဲ့ရှာတော့ ..သူ့ ဘ၀အတွက် အာမခံပေးနိုင်မယ့်သူ လိုရှာတယ်.. ငါ့ကိုတွေ့ နေရင် သူအားနာနေမှာ စိုးလို့ ” ဟု ပြောပါသည်..
သူ့ မျက်လုံးများ ကြေကွဲနေသလား … ခင်ပွန်းသည်ကောင်း ရရှာသော ချစ်သူအတွက် ၀မ်းသာနေသလား ကျမသိပါ ..

သူသည် အရက်ကို ခုံမင်စွာ သောက်သူဖြစ်သည် .. အဓိက တရားခံမှာ ..အားနာတတ်သော သူ့ စိတ်ဖြစ်သည် .
. တခုသော ခရီးတခုတွင် သင်းဘောစီးရင်း လူတယောက်က
မြွေဆေးလာ ရောင်းလေသည် ..ခရီးသွားအများကိုသူ့ ဘာသာအော်ဟစ် ရောင်းတာပါ .. ထိုသင်းဘောပေါ်တွင် ကျမတို့ သူငယ်ချင်းတစု ပါပါသည်.. သည်ခရီး သည်လမ်းတွင်
အဘယ်သို့ သော မြွေဆရာ အစစ် ရှိမှာတုန်း .
အားလုံးလဲ သိသည်.. သူလည်းသိတယ်...
သူ့ တွင် ပိုက်ဆံမပါသဖြင့် မြွေဆေးကို မ၀ယ်သော်လည်း အားနာလွန်းလို့ မျက်နှာလွဲထားလေသည် ..........' နင်ဝယ်ပါလား ဟေ ' လို့ လည်းကျမအားပြောသေးသည်..
ဘာဆိုင်လို့ တုန်း .. ကျမ သည်လောက် အားမနာနိုင် ..
သောင်ပြင်ပေါ် ခြေချတော့ ... သောင်ပြင်ပေါ်က ဂဏန်းကျင်း ပိစိလေးကို နင်းမိလျှင် အပေါက်ပိတ်သွားမှာလဲ အားနာပြန်သည် ..
အရက်လည်း အားနာမှုဖြင့် ဘယ်သူ ခေါ်ခေါ်လိုက်သောက်သည်.. လူမရွေး နေရာမရွေး ..ပုလင်းမရွေးပါဘူး ..
တခါတလေ အရက်ကို မစို့ မပို့ သောက်မိရင်ပြောသေးတယ်
" အရက်ကို နည်းနည်းသောက်မိတာ ..ကိုယ်မပါတဲ့ ပြဇာတ်ထဲ ..၀င်ထိုင်နေရသလိုပဲ .. ရောက်သလိုလို ..မရောက်သလိုလို နော " တဲ့
အောင်မယ်.. ရှိသေးတယ်..
" ညနေစောင်းလို့ မှ အရက်မသောက်မိရင်.. ကမ္ဘာကြီးက ကိုယ်မပါပဲ လည်နေသလိုပဲ ..ကိုယ်သောက်လိုက်မှ ကိုယ်ပါလည် သွားတာ " တဲ့

သူသည် .. personal ဘ၀တွင်မက အနှပညာ ကိုပါ fexible ဖြစ်သူ ..မည်သို့ သော ပန်းချီအမျိုးအစားကို မဆို စိတ်ထဲရှိလျှင်ဆွဲသူ
ထို့ကြောင့် သူသည် ပန်းချီသူ ငှေးဖြစ်သည် ..
သည်နေရာတော့ သူကံကောင်းသည် ..၀ယ်မည့်သူမရှား ......
သို့ သော် တကယ်လိုချင်သူ ကို အလကားပေးဖို့ လည်းဝန်မလေး
တကြိမ်က ပြင်သစ်ဇနီးမောင်နှံက ပန်းချီကား လိုချင်လွန်းသော်လည်း visa card သုံးမရလို့ ဝယ်မရဖြစ်နေတော့ တ၀က်ကျော်ကျော်ဈေးနဲ့ ရောင်းပေးလိုက်သည်..
ပြင်သစ်အဖွားကြီး ခမျာ မယုံရဲ ..မျက်လုံးပြာကြီးနှင့် မျက်ရည်တွေ ၀ိုင်းကာ ကျေးဇူးတင်လွန်းလို့ စကားတောင်မပြောနိုင် ..
ထိုထို ..ပိုက်ဆံကို ဘာလုပ်သည်ထင်သနည်း ...
ပန်းချီပစ္စည်း လိုတဲ့သူ ပန်းချီပစ္စည်း .. ပိုက်ဆံလို ပိုက်ဆံ လိုက်ဝေတာ ..
သူ ပြန်လို လျှင် . ဘယ်သူပေးမည်နည်း ...... ဒါလည်းတွေးပုံမပေါ် ..

သူတင်ပဲလား ..မဟုတ်..
သူ့ မိဘများသည် ..ချောမော လှပသော သမီးပျို ၂ယောက်ရှိသော အိမ်မှာ .. သားဖြစ်သူဧ။် သူငယ်ချင်းများကို တလကိုးတတင်း ထမင်းတင်ကျွေးရန် ၀န်မလေး .......
ခြံတံခါးသည် ဖွင့် လျှက် ..အိမ်တံခါးသည် ဖွင့်လျှက် ..ဧည့်ခန်းနှင့်တွဲလျှက် သူ ငယ်ချင်းဧ။်အခန်းသည် ဖွင့်လျက် ..
တခါတရံ ကျမလာပြီး လိုတာလေးတွေ လာယူသည့်တိုင်အောင် ဘယ်သူ မှမသိကြ .....
သူ့ မိဘများသည် ..... ငွေကြေးပြည့်စုံသော တိုင်းရင်းသား လူရိုးလူအေးကြီးများ ....
တမိသားစုလုံး ပညာ တတ်ကြသည်
အိမ်ကိုလာလည်လျှင် သူတို့ ဧည့် သည်.. ဘယ်အဆင့်အတန်းကလည်း မသိချင် ......
တဦးတည်းသော သားတော်မောင်သည် ...
"ကားကိုဘာလို့ မောင်းမလည်း .. ၂၀ (၂၀ခေတ်က ) ပေးရင်သူများမောင်းတာ စီးနိုင်တာပဲ" လို့ ပြောသူ .......
ကြက်များ ..ငှက်များ ... ငါးများ .....ခွေးများ .. ကိုမငြီးမညူ စောင့်ရှောက်တတ်သော မိသားစု ........
တခါတရံ ..
" သားရေ ..အမေနဲ့ အဖေ ပဲခူးကိုသွားလိုက်ဦးမယ် " ဆိုကာ ..
မြိတ်ရောက်သွား တတ်တာလဲ သူတို့ မိသားစုပဲ

သူ့ အိမ်သည် ဘုရားကျောင်းရှေ့ တွင် တည်ရှိသည် ... သူ့ ဖခင်သည် ဘုရားကျောင်းလူကြီး .......
သူသည်ဘုရားကျောင်းကို တနှစ်နေလို့ တခါမသွား ........
ကျမ မေးဘူးသည်.. ဘာလို့ တုန်း ? လို့ 
" အို ..ဘုရားကျောင်းမှာဟာ ... ဘုရားကို..လူတွေဝိုင်းပြီး နားပူ နားစာ လုပ်နေကြတာ... ငါ အားတယ်ဟာ ..
ငါတယောက် သက်သာလဲ သက်သာ ပါစေ ဆိုပြီး ငါမသွားတော့တာ "

သူ့ ဟာနဲ့ သူတော့ဟုတ်နေတာပဲ .......


-------------------------------------------------------

တိုက်တိုက်ဆိုင်ဆိုင်ပဲ ရန်ကုန်က သူငယ်ချင်း သတင်းရောက်လာပါတယ် ။အရိုက်ခံရလို့ တဲ့ ။ ..
ကျမလည်း စိတ်ပူပြီး ဘာဖြစ်တာလဲ ..ဘာလဲ မေးတော့ ..
ပန်းချီဆွဲဖို့ ဓာတ်ပုံရိုက်ရင်း အရက်ဆိုင် တဆိုင်ကို ရှေ့ ကဓာတ်ပုံရိုက်မိသတဲ့ … ။
အထဲက လူတယောက်က ထွက်လာပြီး ..
” မင်း ငါ့ ကိုသိသလား “ မေးတော့ ..
မသိပေမယ့် .. မသိဘူးပြောရမှာ အားနာလို့ 
“ သိပါတယ် “ပြောလိုက်တာ ..
ဟိုက ရိုက်သွားရောတဲ့ ….
မေးတဲ့ သူ က ‘၀ရမ်းပြေး’ ..ရဲ ကိုဓားနဲ့ ခုတ်ပြီး ထွက်ပြေးနေတာ …
ဓာတ်ပုံ လာရိုက်တာ တွေ့ တော့ .. သူ့ ကို သိလို့ ရဲ ကို သတင်းပေးဖို့ လား ..ဘာလား ထင်လို့  ထွက်မေး တာတဲ့ ……
ကံကောင်းလို့ ဓားနဲ့ ခုတ်မသွားတာ …