.

မျှော်လင့်ချက် နဲ့ ရင်းခြင်း ……..

ထီထိုးဖို့ ဝါသနာမပါတဲ့ ကျွန်တော့် ခေါင်းစဉ် ကြည့်ပြီး ကျွန်တော့် ချစ်သူကတော့ပြုံးမှာပဲ ..

( ၁ )

ကျွန်တော် တလ တခါ .. တခါတလေ အရဲစွန့် ပြီး နှစ်ခါလောက် ကျွန်နော် ထီထိုးသလို မျှော်လင့်ခြင်းကို
ကျွန်တော်ဖန်တီးယူ တတ်တယ် …..
ကျွန်တော့် email လေးကိုဖွင့် ကျွန်တော်အမြဲ အလွတ်မှတ်မိ တဲ့ ချစ်သူ email လိပ်စာ
ကိုထည့်ပြီး ကျွန်တော် အချိုသာဆုံး နဲ့ အရှင်းလင်းဆုံးဖြစ်မယ် ထင်တဲ့ စကားလုံးတွေနဲ့  ကျွန်တော် ချစ်သူ
ဆီကို စာရေးရင်း ကျွန်တော့အတွက် မျှော်လင့်ချက် များစွာရင်းတဲ့ ထီလေးတစောင် လို
ကျွန်တော် အရဲစွန့် ပြီး ကျွန်တော်ပို့ ပါတယ် ။
အဲ့ဒီနောက်မှာ တော့ ကျွန်တော့် အတွက် နောက် တရက်သတ္တပတ်လောက်ကြာ အောင် ချစ်သူဆီက
တစုံတခုကို ရနိုးရနိုးနဲ့ မျှော်လင့်ခွင့် ကျွန်တော့်ရပါတယ် …….

(၂)

စောင့်မျှော်ခြင်းဟာ မိန်းမတွေအလုပ်တဲ့ ဂျူးရဲ့ ဝတ္တုတပုဒ်ကဆိုတယ် ။စောင့်မျှော်ခြင်းနဲ့  ၊ ကြေကွဲခြင်း
ရောထွေးနေရင်တော့ အဲ့ဒီ မိန်းမတွေရဲ့ အလုပ် ကျွန်တော်မလုပ်ချင်ဘူး ။ စောင့်မျှော်ရတာ သိပ်မုန်းတဲ့ ၊
သိပ်မုန်းတတ်တဲ့ ကျွန်တော် မှာ အဲ့ဒီ စောင့်မျှော်ခြင်းနဲ့ အသက်ရှင်ရတာ ၉လရှိသွားခဲ့ပြီ ။
အဲ့ဒီစောင့်မျှော်ရခြင်းတွေ ကို မခံစားနိုင်လွန်းတိုင်း ထွက်ပြေးခဲ့တာလည်း ၉ခါမက ရှိခဲ့ပြီ ။ ဒါပေမယ့်
လွမ်းဆွတ်ခြင်းရဲ့ လက်ကနေ ကျွန်တော်မလွတ်နိုင်တဲ့နောက် အဲ့ဒီ စည်းဝိုင်းထဲပဲ
ကျွန်တော် ပြန်ဝင်မိပြန်တယ် ။

( ၃ )

သူ့ ဆီက အချစ်တွေကို ဝေမျှခံစားခဲ့ဘူးတဲ့ ကျွန်တော် အခုကျတော့ ကျွန်တော့်စိတ်ထဲက ခွင့်လွတ်ခြင်းနဲ့ 
နားလည်ခြင်းတွေ သူ့ ကိုဝေမျှပေးချင်ပါတယ် ။ ကျွန်တော့်ဘ၀မှာ နာကြင်ခြင်း ၊ အထီးကျန်ခြင်း ၊
ချစ်ခြင်းမေတ္တာကို မယုံနိုင်ခြင်း ကြေကွဲခြင်း ၊ ကိုယ့်ကိုကိုယ် ယုံကြည်မှုမဲ့ခြင်း အဲ့ဒီ အဆိပ် မုန်တိုင်းကြားမှာ
ကျွန်တော် အလူးအလဲ ခံခဲ့ ရသည့်တိုင်အောင် သူ့ ကိုချစ်တဲ့ ချစ်ခြင်းတွေ ကျွန်တော့် စိတ်ထဲမှာ
လင်းနေတုံးပဲ ။ သူ့ ကိုကျွန်တော် မမုန်းရက်ခဲ့ဘူး ။
သူလည်းပဲ ကျွန်တော့်ကြောင်း စိတ်ရှုပ်ခဲ့ရမှာပဲ ။ ချစ်ခြင်းတရားမှာ ဘယ်လိုအရာတွေနဲ့ ထိုးယှဉ်ကြည့်လို့ ရမှန်း
ကျွန်တော်မသိပေမယ့် သူ့ အပေါ်အခိုက်အတံ့ထက်ပိုပြီး ကျွန်တော် စိတ်မနာနိုင်ခဲ့ဘူး ။ ကျွန်တော်
ဝမ်းနည်းကြေကွဲနေသည့် တိုင်အောင် သူ့ ကြောင့်ကျွန်တော် ခံစားလွန်းရသည့်တိုင်အောင် သူ့ ရင်ခွင်ထဲမှာ
ဝင်ငိုချင်နေမိတုန်း ။ သူ့ ဘ၀နဲ့ ယှဉ်ရင် ကျွန်တော့် အချစ်ရေးပြသနာက မိနစ်ပိုင်းပဲကြာတဲ့
အိမ်မက်ဆိုးလောက်ပဲဖြစ်မှာ ကျွန်တော်သိနေမိတယ် ။
အဲ့ဒီနောက် .. သူ ပြန်စဉ်းစားတော့မှာမဟုတ်ဘူး ..
ကျွန်တော်ကပဲ မိုက်မဲနေသလား ..

(၄)

ကျွန်တော့်ဘ၀ရဲ့ ပထမဆုံးနှင်းတွေ မြင်ရတဲ့ အချိန်မှာ ချစ်သူ ကျွန်တော့်ဘ၀ထဲကနေ ထွက်သွားခဲ့တယ် ။
နေသားကျ ပြီလားမေးရင်တော့ သူ မရှိပဲနဲ့  ကျွန်တော့်ဘ၀ နေသားကျနေရောပေါ့ ။
အဲ့ဒါများ ဘာကို မျှော်လင့် စောင့်မျှော် နေသလဲလို့ မေးလာခဲ့ရင် ကျွန်တော် ရုတ်တရက် ဖြေစရာရှာရမှာ ။
ကျွန်တော် မျှော်လင့်က ကျွန်တော့် ချစ်ခြင်း မေတ္တာစည်းဝိုင်းထဲ သူ့ ကိုပြန်ဆွဲထည့် ဖို့လည်း မဟုတ်ဘူး ။

( ၅ )

သူ့ ဘ၀ထဲမှာ ကျွန်တော် ခေါင်းစဉ်မရှိတဲ့ နေရာလေးတခုလိုချင်တယ် ။ ကျွန်တော့ စိတ်ကူးထဲမတော့
သူနဲ့ ကျွန်တော် ပြန်ခေါ်ကြတဲ့တခါ .. သူ့ ကိုအမြဲ ရယ်မော စေတဲ့သူငယ်ချင်း တယောက်
ကျွန်တော်ဖြစ်ချင်တယ် ။ ကျွန်တော် စိတ်ညစ်စရာတွေကြုံတိုင်း ငိုစရာတွေကြုံတိုင်း စကားပြော ရင်ဖွင့်နိုင်တဲ့
သူ သူ့ ကိုဖြစ်စေချင်တယ် ။ ( ဒါပေမယ့် သူ့ ရှေ့ မှာကျွန်တော်ဘယ်တော့မှ မငိုမိဖို့ ကျွန်တော်
ဆုံးဖြတ်ထားတယ် ။ သူက အပူသည်တွေကို မုန်းတယ် မှလား ) ။ သူ့ ကိုဘယ်လိုကြိုးမျိုးနဲ့ မှ ဘယ်တော့မှ
မချည်နှောင် မယ့် တယောက်သောသူက ကျွန်တော်ဖြစ်ချင်တယ် ။ သူ့ ကို ဘာမဆို ခွင့်လွတ်ပေးမယ့်လူ
သူ့ အတွက် အရာရာကို ရင်ဆိုင်ပြီး သူ့  အတွက် ရပ်တည်ပေးမယ့်လူ ဖြစ်ခွင့်ရချင်တယ် ။

(၆)

မှတ်မှတ်ရရ စာလေးတကြောင်းစီ ပါတဲ့ email လေး ၂စောင် ချစ်သူဆီက ကျနော် ၉လအတွင်းရဘူးပါတယ် ။
ခြေမကိုင်မိ လက်မကိုင်မိနဲ့ အဲ့ဒီစာ နှစ်ကြောင်းကို ဖတ်လို့ မ၀ ခဲ့တဲ့ ကျွန်တော့်ကို ကျွန်တော်
မုန်းလိုက်တာလေ ။
မနက် အိပ်ယာနိုးတာတောင်မစောင့်နိုင်ပဲ တရေးနိုးတိုင်းemail စစ်တတ်တဲ့ ကျွန်တော့်အဖြစ်ကို
ကျွန်တော့်ဘာသာ လည်းရီချင်လိုက်တာ …….
တခါတုန်းက စိတ်ထဲမှာနာနာကြည်းကြည်းနဲ့ ခပ်ရင့်ရင့်စကားလုံးတွေသုံးပြီး နောက်ဆုံးစာအနေနဲ့ ကျွန်တော်
သူ့ ဆီရေးခဲ့ဘူး တယ်။ အဲ့ဒီနောက် တော်တော်ကြာကြာအထိ ကျွန်တော် စာမရေးမိပြန်ဘူး ။

( ၇ )

သူ ကျွန်တော့်စာတွေ ရော ဖတ်ရဲ့ လား ။ ကျွန်တော်မသေချာပါဘူး ။ ဘယ်နှခါလောက်များ သူစာပြန်ရေးမယ်
လုပ်ပြီးမှ လက်တွန့် ခဲ့သလဲ ကျွန်တော် သိချင်မိတယ် ။ တခါတလေ ကျတော့ ကျွန်တော့် စာတွေထဲမှာ
အိပ်ခါနီးတိုင်း အိမ်မက်ထဲမှာ သူနဲ့ ဆုံဖို့ ဆုတောင်းတဲ့အကြောင်း အိမ်မက်ထဲမှာ ထမင်းမစားရသေးဘူးလို့ 
သူပြောလို့  ကျွန်တော်ငိုရတဲ့အကြောင်းတွေ ကျွန်တော်ထည့်ရေးချင်တယ် ။
နောက်ပြီးတော့ သူနဲ့ ဆုံရတဲ့ အိမ်မက်တိုင်းကို ကျွန်တော် ဘယ်လောက် မက်မောကြောင်း ..
မိသားစုဘ၀နဲ့ လက်ထပ်ခြင်း တွေ သစ္စာတရား တွေကို တွယ်တာတတ်တဲ့ ကျွန်တော် သူသာ
ကျွန်တော့်ဘ၀ထဲ ပြန်ဝင်လာရင် အဲ့ဒီအရာတွေကို ကျွန်တော် ဘယ်တော့မှ သူ့ ဆီက မတောင်းတ တော့ဘူး
လို့ ဆုံးဖြတ်ထားမိတဲ့အကြောင်းတွေလည်း ပြောချင်တယ် ။
သူ့ ကိုမေ့ချင်ယောင်ဆောင်ရတာ ကျွန်တော် ပင်ပန်းတိုင်း အိမ်ထဲက အိမ်ပြင်မထွက်ပဲ အားရအောင်
ငိုရတာလည်း တလ တခါလောက် ။ အဲ့ဒါလည်း ပြောပြချင်သေးတယ် ။
အပ်ထိပ်ဖျားလေးကနေ အလင်းပြန်လာတဲ့ မျှော်လင့်ချက်လေးဖြစ်ပစေ သူပြန်လာဖို့ ဖြစ်လာနိုင်မယ်ဆို
မလွတ်တမ်း ကျွန်တော် လိုက်ကြိုးစားမိတဲ့ ကျွန်တော့်အကြောင်းတွေ …..

(၈)

ကျွန်တော်သူ့ ကို နာကျင်အောင် ပြန်တုံ့ ပြန်ခဲ့တာတွေ .. ဒေါသထွက်လို့ ရိုင်းရိုင်းပြောခဲ့တာတွေ .. သူ့ မာနကို
စော်ကားခဲ့တာ ကျွန်တော် တသက်လုံးစာ နောင်တရနေတော့မှာ ……
သူကရော ကျွန်တော်သိပ်ချစ်တဲ့ အိမ်လေးနဲ့ ကျွန်တော်တို့ ချစ်သူဘ၀ကို လွယ်လွယ်လေး နဲ့ လက်လွတ်
ဆုံးရှူံးစေ လို့ ကျွန်တော့အတွက်ဆုံးဖြတ်ခဲ့တာ …… ကျွန်တော့်အတွက် အသက်သာဆုံး လမ်းခွဲနည်းကို
သူမရွေးချယ်ခဲ့တာတွေ သူ လွယ်လွယ်ပေးခဲ့တဲ့ ကတိတွေ အတွက် သူဘယ်နှစ်ကြိမ် သတိရခဲ့ပါသလဲ ….
သူ့ ဆီက ကျွန်တော့်အချစ်တွေနဲ့ လုချေဖျက်ဖို့ ကြိုးစားပေးခဲ့တဲ့ သူဘ၀မှာ အခါခါသုံးနေကြ ‘ မေ့ပြစ်ခြင်း
နဲ့ ဥပကာခြင်း ‘ အကျင့် တွေကအောက်မှာ နောက်ဆုံးတော့ ကျွန်တော်လည်း အလူးအလဲရှူံး သွားခဲ့တာ
သူသတိထား မိပါရဲ့ လား ….

( ၉ )

သူတကယ်ပဲကျွန်တော့် ကို မုန်းနေသလား ။ ကျွန်တော်နဲ့ ပတ်သတ်တဲ့အရာတွေကို မုန်းတယ်
လို့ ပြောတတ်တဲ့သူ ။ တကယ်ပဲ ကျွန်တော့်ကို မုန်းနေတုန်းလား ကျွန်တော်သိဖို့ မလိုအပ်ဖူးလား ။
အဲ့လို မေးရင် သူမုန်းမှာပဲ ။ သူတကယ်ကိုမုန်းမှာ ။
ဒီစာကိုမြင်ရင် သူသိပ်မုန်းမှာ ………..

Ye_Baw_Win_Htin

Sa_Lai_Tin_Mg_oo

OKM & Others

BMTA

ငုရင်ပြင်က ကူးယူဖော်ပြပါသည် .. www.nguyinpyin.net

15 ရက် 4လ 2009 မှ စပြီး Layout အသစ်သို့ ပြောင်းရွေ့ နေပါသည် ။
Cbox များ Side Bars များ ဘယ်နားကပြန် လိုက်ကောက်ရမှန်းမသိသေးပါ
မတော်တဆ ရောက်လာသော စာဖတ်သူအပြောင်း သီးခံပေးကြပါကုန် ...

မလေးမေ

နှစ်သစ် အမှာစာ

နင့် မေတ္တာ သစ္စာ တွေ
သတ္တာထဲသာပြန် ထည့်ပြီး
ကိုယ့်ဘာသာ Red River* ထဲ ကန်ချ ...

ချစ်တယ်ဆိုတာအလကား
သုံးစားမရတဲ့အရာ
နင့်မျက်နှာ ငါမကြည့်ချင်မှ
နောက်ပြန်လာလည် ပြတဲ့သောကြာဂြိုလ်
သားရေပင် နဲ့ ကို ကြိုပြီးပစ်ချတော့မယ် .......


* Red River = The Red River flows through several urban areas along its path including Fargo-Moorhead and Greater Grand Forks in the United States and Winnipeg in Canada

-----------------------------------------------------------------------------------------

စာလည်းမရေးဖြစ်တာကြာပြီ ။
သက်ြန်တွင်း YAMC မှာ ပေါက်တတ်ကရ ၀တ္တုတို တပုဒ် ၊ ပေါက်တတ်ကရ သက်ြန်စာတပုဒ် ပဲရေးဖြစ်တယ် ........
အခုထိ ဟာသ ပိုးက မသေသေး ..........